De Zjwoele Paters De Zjwoele Paters
Veer zulle ós effe veursjtelle veur diegene die ós neet kenne.
De Zjwoele Paters zeen: Gerwin Storcken - cafenaam: Auwe - Thailandnaam: Owe
Maurice Roebroek - cafenaam: Bolle - Thailandnaam: Mr. Martin of Mosquito-man.
Woveur sjtuit Missionariswerk De Zjwoele Paters eigelik ?
De Zjwoele Paters zeen ein euvergebleve duo van ein vreuger reisgezelsjap dat de ganse welt róndj trók mit hunne rökzak. In ein grupke varieerend van 4 tot 6 man zeen versjillende werelddeile bezóch zoas: Australie - Afrika - Zuid Amerika en Azie.
Doordat de intresses van versjillende anger reisgenote neet meer biej ut reize looge, bleve d'r nog 2 versjtokte vriejgezelle euver.
Aangezeen ze óngertösje ut neudige gezeen hauwe van de welt rees auch langzaam biej die twee de vraog van Is ut dit noe ? D'r mót toch meer zeen den dit.
En zo is ut idee gebaore óm get trök te doon veur de luuj die v'r höbbe bezóch op óze letste vakansie. Det woor in Thailandj in november / december 2005.
Noe zeen d'r uiteraard versjillende manere óm get op touw te zette, mer zoas zo deks blif den waal ens get aan de sjtrieksjtek hange. Ut loog den auch veur de handj det De Zjwoele Paters ut geldj perseunlik ginge bringe óm ut dao ónger de bevolking te verdeile.
óm ein langk verhaol kort te make, ut woor ein geweldig succes !!
De Thaise luuj woore ós uuterst dankbaar en óngertösje zeen v'r in Thailandj meer ingeburgerd den v'r hie oojts zeen gewaes.
Ut is den auch neet verwónjerlik det bienao al óze vriej daag en zakcente opgaon aan ut nobele missiewerk in ós geleefde lendje.
Tiedens jeder missie waere get foto's getrókke zodet auch de thoesblievers zich ein beeldj kenne vorme van wat ós wirk noe eigelik inhilt. Ut is neet ut mekkelikste werk, mer ja, eemes mót ut doon en doe kris d'r eine haup veur trök.
Ich zou zégge: väöl plezeer mit de foto's en esse get te melje höbs kan det altied in ut gastebook.
Chok Dee Khrap
Mr. Martin - Owe